Илебеҙ тыныс, күгебеҙ аяҙ, донъяларыбыҙ имен, күңелдәребеҙ тыныс булһын, илебеҙгә янаған афәт, ҡурҡыныс...

мәхшәр бөтһөн, барлыҡ ир-егеттәребеҙ имен-һау ҡайтһын тип ҡорбан салынды , Һөйөндөк ауыл клубында аят уҡытылды. Был изге сараға ғәзиз улдарын хәрби әҙерлек урынына оҙатҡан ата-әсәләр ҙә саҡырылды. Аяттан һуң саҡырылған ағинәйҙәр Салауат әйттеләр, егеттәр иҫән һау ҡайтыуын теләп мөнәжәттәр йырланылар.
Ошо сара уңайы менән ҡатын-ҡыҙҙар активын- ҡул эштәре менән әүҙем шөғөл булған апайҙарға рәхмәт хаттары, төрлө номинацияларҙа дипломдар тапшырылды.
Был ҙур сараны ойошторған клуб мөдире Гөлсара Ғилман ҡыҙына, ауыл советы башлығы Зәлифә Азамат ҡыҙына һәм ауыл советына ҡараған ҡатын-ҡыҙҙар активына ҙур рәхмәтлебеҙ.
Мобилизацияға эләккән һәр кем тыуған йортона имен-һау әйләнеп ҡайтһын! Илдә тыныслыҡ тантана итһен!