Рекламный баннер 990x90px ban1
92.58
103.38
Рекламный баннер 728x90px main1

Дорогие друзья, представляем вашему вниманию первую работу на конкурс сочинений ""Нет в России семьи такой,

где б не памятен был свой герой". О своем дедушке, Асадуллине Фуате Гильмитдиновиче написал нам Данияр Асадуллин, 13 лет.

"Шакирйән Мөхәмәтйәнов менән уйнап үҫкән".

Минең Яугир ҡарт олатайым Фуат Ғилмитдин улы Әсәҙуллин Учалы районы Ҡунаҡбай ауылында тыуған.Ошо уҡ ауыл мәктәбендә ете синыфты тамамлай.Ул Шакирйән Мөхәмәтйәнов менән уйнап үҫкән.Унан бер йәшкә генә бәләкәсерәк булған. Александр Матросовтың Шәкирйән Мөхәмәтйәнов булыуын иҫбатлау, уның биографияһын асыҡлау буйынса иң ҙур эш алып барған кешеләрҙең береһе.Әгәр ҙә ул башлап ,аҙағына тиклем әүҙемлек күрһәтмәһә,бәлки,беҙ геройыбыҙҙың үҙебеҙҙең ауылдан сыҡҡанын белмәҫ инек.
Ҡарт олатайым минең өсөн герой,ҡаһарман.Ул-ике тапҡыр беренсе һәм өсөнсө дәрәжәләге Дан ордендары кавалеры.Һуғышҡа 1943 йылдың 9 ғинуарында алына.Был ваҡытта уға 17 йәш була.1943 йылдың 31декабренда Ҡыҙыл байраҡлы Суворов һәм Богдан Хмельницкий орденлы 57-се гвардия уҡсылар дивизияһы төҙөлә.Ҡарт олатайым 172-се гвардия уҡсылар полкының составында һуғыша.Ул дошман менән минометсы булып алышҡан.1944 йылда фронтта коммунистар партияһына ингән.Ҡаты һуғыштарҙа бер нисә тапҡыр яралана.Беҙҙең илебеҙҙең азатлығы,яҡты киләсәгебеҙ өсөн 3 мең саҡрымлап һуғыш юлын үткән ул.Бөйөк Еңеүҙе Берлинда ,Рейхстагтан 200 метр алыҫлыҡта ,ҡаршы алған.1950 йылға тиклем Германияла беҙҙең хәрби частарҙа хеҙмәт итә.Бында Фуат олатайым парторг була,йәш һалдаттарҙа Тыуған илгә һөйөү тәрбиәләгән,"Дивизияның батыр һуғыш юлы" стенды менән таныштырған.
Олатайым һуғыштан һуң ете йыл әрме хеҙмәтендә булған.Тыуған яҡтарына ҡайтҡас,ҡарт өләсәйем Кашифа Шәйәхмәт ҡыҙы менән ете бала үҫтергән.Өләсәйем уҡытыусы булып эшләй,ә Фуат олатайым колхозда төҙөлөш бригадаһы етәксеһе,фермала,артабан хужалыҡ эштәре буйынса мөдир булған.Уны иптәштәр суды ,ревкомиссия рәйесе итеп тә һайлағандар.Ҡарт олатайымдың тормош юлы һоҡланғыс һәм ул миңә өлгө булып тора.Киләсәктә бер ҡасанда уның рухына тап төшөрмәҫмен.
ДАНИЯР ӘСӘҘУЛЛИН, Учалы ауылындағы башҡорт гимназияһы уҡыусыһы.

Оставить сообщение:

Рекламный баннер 728x90px main2
Рекламный баннер 240x200px right1
Рекламный баннер 240x200px right2
Рекламный баннер 240x200px right3